Kaya Ra Ni

Sa lalum ug mangitngit nga kabuntagon

Naghimog linya ang mga buluhaton

Ako naglibog kung unsa ang unahon

Ilabina nga ako pod katulogon

Sa akong paglingi ni mama ug papa

Akong gibuka ang akong mga mata

Nakita nako ang sakripisyo nila

Para lang makatarong ko ug eskuyla

Milingi ko sa akong mga igsuon

Nga andam  mutabang sa akong pagtuon

Nakita ko ang ilang kwartang giipon

Para sa akong maayong kaugmaon

Ug mikalit pagtulo ang akong luha

Tungod sa kalipay nga akong nakuha

Salamat sa Iyang  mga gipakita

Nadasig ko nga dili magpakasala

Ug busa karon dili nako sayangan

Kining higayon para sila mabayran

Ang kalisod tarungon nako ug pas-an

Para sa akong mga igsuon ug ginikanan